கெளசல்யாவின் புது வரலாறு !

இன்றைய காலைப் பொழுதை மேலும் இனியதாக்கி இருக்கிறது கெளசல்யா – சக்தியின் இணைய ஏற்பு நிகழ்வு !

இந்த சமூகம் என்ன சொல்லும், ஏது சொல்லும் என்று துளி அளவுக் கூட யோசிக்காமல் தனக்கு பிடித்திருக்கிறது என்று சுயமாய் முடிவெடுத்து இணைந்திருக்கும் இருவருக்கும் வாழ்த்துகள் 🎊

பெரியாரின் பெயர்த்தி என மூச்சுக்கு முன்னூறு சொல்லிக் கொண்டிருந்தார் கெளசல்யா.. இனி மூச்சுக்கு 3 கோடி தடவைக் கூட சொல்லலாம்.. கெளசல்யாவையும் சக்தியின் முடிவையும் எண்ணி எண்ணி வியக்கிறேன்.

சக்தி அண்ணனையும் முன்பே தெரியும் தமிழ்நாடு வேளாண் பல்கலைக்கழகத்தில் பறை இசை 🎵 நிகழ்ச்சிக்காக அழைத்திருந்தோம். என் நெருங்கிய வட்டத்திற்கு மிகவும் நெருக்கமானவர்.

ஏகப்பட்ட எதிர்மறைக் கருத்துகள், இழி வசனங்கள், பொங்கல்கள், புளியோதரைகள், தயிர்சாதங்கள் என கொடூரமாக கொப்பளிக்க ஆரம்பித்து விட்டனர். பெரும்பாலும் தனிப்பட்ட முறையில் தான். என்னைப் பொறுத்தவரை வாழப்போவது அவர்கள்.. நீங்கள் யார் கேள்விக் கேட்க..?

சங்கர் இருந்திருந்தால் கெளசல்யா ஏன் இன்னொரு திருமணம் செய்யப்போகிறார்? காதலித்தவர்களைக் கொன்று விட்டு இப்போது வியாக்கானம் எதற்கு ?

ஏற்க முடியவில்லையா பொங்கியே செத்துடுங்கள்.. நீங்கள் எல்லாம் பரியேறும் பெருமாளையும் இராஜா இராணி படத்தையும் பார்த்து கண்ணீர் மட்டும் தான் விடுவீர்கள்.. சமகாலத்தில் ஏற்க மாட்டீர்கள் ?

புதிய வரலாற்றை பெண்களுக்கான சமத்துவ வரலாற்றை காலப்பதிவேட்டில் எழுதியுள்ளார் கெளசல்யா ! வரலாற்று நிகழ்விது.. காலம் பதில் சொல்லும்..

கெளசல்யாவும் சங்கர் சமூகநீதி அறக்கட்டளையும் தன் சமூக கடமையை செய்துக் கொண்டே இருக்கட்டும்.. சக்தியின் பறையிசை ஆண்டைகளின் காதை கிழிக்கட்டும்..

வாழ்த்துகள் அண்ணியாரே.. வாழ்த்துகள் அண்ணே..

பேரன்புகளோடு
தில்லியிலிருந்து
ஜீ.கே.தினேஷ்
09.12.2018

இன்றைய காலைப் பொழுதை மேலும் இனியதாக்கி இருக்கிறது கெளசல்யா – சக்தியின் இணைய ஏற்பு நிகழ்வு !

இந்த சமூகம் என்ன சொல்லும், ஏது சொல்லும் என்று துளி அளவுக் கூட யோசிக்காமல் தனக்கு பிடித்திருக்கிறது என்று சுயமாய் முடிவெடுத்து இணைந்திருக்கும் இருவருக்கும் வாழ்த்துகள் 🎊

பெரியாரின் பெயர்த்தி என மூச்சுக்கு முன்னூறு சொல்லிக் கொண்டிருந்தார் கெளசல்யா.. இனி மூச்சுக்கு 3 கோடி தடவைக் கூட சொல்லலாம்.. கெளசல்யாவையும் சக்தியின் முடிவையும் எண்ணி எண்ணி வியக்கிறேன்.

சக்தி அண்ணனையும் முன்பே தெரியும் தமிழ்நாடு வேளாண் பல்கலைக்கழகத்தில் பறை இசை 🎵 நிகழ்ச்சிக்காக அழைத்திருந்தோம். என் நெருங்கிய வட்டத்திற்கு மிகவும் நெருக்கமானவர்.

ஏகப்பட்ட எதிர்மறைக் கருத்துகள், இழி வசனங்கள், பொங்கல்கள், புளியோதரைகள், தயிர்சாதங்கள் என கொடூரமாக கொப்பளிக்க ஆரம்பித்து விட்டனர். பெரும்பாலும் தனிப்பட்ட முறையில் தான். என்னைப் பொறுத்தவரை வாழப்போவது அவர்கள்.. நீங்கள் யார் கேள்விக் கேட்க..?

சங்கர் இருந்திருந்தால் கெளசல்யா ஏன் இன்னொரு திருமணம் செய்யப்போகிறார்? காதலித்தவர்களைக் கொன்று விட்டு இப்போது வியாக்கானம் எதற்கு ?

ஏற்க முடியவில்லையா பொங்கியே செத்துடுங்கள்.. நீங்கள் எல்லாம் பரியேறும் பெருமாளையும் இராஜா இராணி படத்தையும் பார்த்து கண்ணீர் மட்டும் தான் விடுவீர்கள்.. சமகாலத்தில் ஏற்க மாட்டீர்கள் ?

புதிய வரலாற்றை பெண்களுக்கான சமத்துவ வரலாற்றை காலப்பதிவேட்டில் எழுதியுள்ளார் கெளசல்யா ! வரலாற்று நிகழ்விது.. காலம் பதில் சொல்லும்..

கெளசல்யாவும் சங்கர் சமூகநீதி அறக்கட்டளையும் தன் சமூக கடமையை செய்துக் கொண்டே இருக்கட்டும்.. சக்தியின் பறையிசை ஆண்டைகளின் காதை கிழிக்கட்டும்..

வாழ்த்துகள் அண்ணியாரே.. வாழ்த்துகள் அண்ணே..

பேரன்புகளோடு
தில்லியிலிருந்து
ஜீ.கே.தினேஷ்
09.12.2018
https://wp.me/p3FXDf-5v

Advertisements

மனிதர்களை விடுத்து சமூகத்திடன் காதல் செய்யுங்கள் !!

மனிதர்களை விடுத்து சமூகத்திடன் காதல் செய்யுங்கள் !!
___________________________________
விகடனில் என் பேட்ச் நிருபர் மீனாட்சி சுந்தரத்தின் தற்கொலை, மிகவும் மன வருத்தம் அளிப்பதாக உள்ளது. பெரிதாக பேசியதில்லை.

நான் 12 ஆம் வகுப்பு தேர்வில் அதிகமான மதிப்பெண்கள் எடுக்கவில்லை என என் அம்மாவும் அப்பாவும் திட்டிய வண்ணம் இருந்தனர். இதனால் குற்ற உணர்வு ஏற்பட்டு கையை அறுத்துக்கொண்டு தற்கொலை முயற்சி செய்தேன்.

அதன் பின் அண்ணாமலைப் பல்கலைக்கழகத்தில் எவ்வாறு சேர்ந்தேன், எப்படி நல்லபடியாக 87 % மதிப்பெண்களுடன் முடித்தேன் என்பது இன்னும் கனவு போல் தான் உள்ளது. அதன் பின் தமிழ்நாடு வேளாண் பல்கலைக்கழகத்தில் மூதறிவியல்.. தற்போது இந்தியாவின் தலைசிறந்த இந்திய வேளாண் ஆராய்ச்சிக் கழகத்தில் முனைவர் பட்டம் படித்துக் கொண்டிருக்கிறேன். அன்று என்னை திட்டி தீர்த்த அம்மாவும் அப்பாவும் இன்று பெருமையுடன் உள்ளனர் என நினைக்கிறேன். இத்தனைக் காலத்தில் அவர்களுக்குள்ளும் நிறைய மாற்றங்கள்..

அண்ணாமலைப் பல்கலைக்கழகம் என்னுள் ஏதோ பல்வேறு மாற்றத்தை கொண்டு வந்தது. எதையும் தாங்கும் சக்தியை என்னுள் விதைத்தது. எந்நேரமும் சந்தோஷமாக இருக்க பல நண்பர்களை கொடுத்தது. நான் படித்த வருடத்தில் எங்களுடைய நட்பு வட்டம் தான் பெரியதும், மகிழ்ச்சியாக இருந்ததும் …

வாழ்க்கையில் நாம் எடுக்கும் ஒரு நிமிட முடிவு நம் வாழ்க்கையே முடித்து விடும். இன்று இதை எல்லாம் நினைத்து பார்த்தால் ஏதோ கனவினை போல் உள்ளது. இவ்வளவு தூரம் நாம் கடந்து விட்டோமா எனத் தோன்றுகிறது. இனிவரும் காலத்தில் எந்த பணியில் அமர்வனோ தெரியாது, இல்லை நிரந்தர அரசுப் பணி கிடைக்குமா என்றும் தெரியாது. ஆனால், எதற்கும் அசருவதாய் இல்லை. என்ன கிடைக்கிறதோ கிடைக்கட்டும், கிடைப்பதை சிறப்பாக நாலுப் பேருக்கு பகிர்ந்துக் கொடுத்து உதவிச் செய்தால் போதும். நான் செத்ததும் வருத்தப்பட ஒருத்தர் இருந்தாலும் போதும். அதான் உண்மையான சம்பளம்.. சொத்து..

இந்த சமூகம் உங்களை அழுத்தும். நல்ல வேலை, நிரந்தர வேலை எனக் கொல்லும், நல்ல அந்தஸ்து என மிரட்டும், பணம், பணம் என உருட்டி எடுக்கும்.. அதைப் பற்றி எல்லாம் கவலையே வேணாம்.. எல்லோர் மீதும் அன்பு செலுத்துங்கள்.. திரும்ப எதிர்ப்பாராதீர்கள்.. இன்னொரு மனிதரையும் சக மனிதராய் பாருங்கள்.. அணுகுங்கள்..

மீனாட்சி சுந்தரம் காதலர்களுக்கு ஒரு மோசமான உதாரணத்தை விட்டு சென்றிருக்கிறான்.. காதலில் தோற்றால் தற்கொலை செய்துக் கொல்லுங்கள் என.. அது மிகவும் தவறு.. நாம் ஏன் சாக வேண்டும் ? காதலில் தோல்வியா மீண்டும் அவரையே காதல் செய்யுங்கள்.. அவரும் மீண்டும் காதல் செய்யாவிட்டாலும் பரவாயில்லை.. காதல் செய்யுங்கள்.. காதல் மட்டும் நிரந்தரமானதாய் இருக்கட்டும்.. அந்த நிரந்தரந்தை அடுத்த நபருக்கு மாற்றுங்கள்.. முதல் காதல் தோல்வியில் செய்த தவறுகளைக் கொண்டு இதில் உங்களையே தேற்றுங்கள்.. காதல் கனியாகும்..

நாம் வாழ்வது நமக்காக தான்.. இந்த சமூகம் என்ன சொன்னால் என்ன ? என்ன நினைத்தால் என்ன ?

காதல் புனிதமானதல்ல.. சினிமாத்தனமாக இருக்காதீர்கள்.. காதல் என்பது காதல் தான்.. காதல் கடவுளல்ல.. காதல் புனிதமல்ல.. புனிதங்கள் என சொல்லும் அனைத்துமே புரட்டு தான்.. காதலுக்காக கண்ணீர் விடாதீர்கள்..

ஏதாவதொரு முடிவு எடுப்பதாக இருந்தால் காலத்தை கொண்டு அதனை தள்ளி போடுங்கள். நீங்கள் காலம் தள்ள தள்ள நல்ல யோசனை செய்து நல்ல முடிவுக்கு வரலாம். அந்த காலத்தில் சும்மாவா சொன்னாங்க ” காலம் பதில் சொல்லும் என்று “!

தயவுசெய்து தற்கொலை எண்ணத்தை மட்டும் கை விடுங்கள், அப்படி உங்களுக்கு தற்கொலை எண்ணம் முளைத்தால் அம்மா அப்பாவிடம் மனம் விட்டு பேசுங்கள் ! அவர்களிடம் பேச பிடிக்கவில்லை என்றாலும் பரவாயில்லை.
நான் இருக்கிறேன் உங்கள் தோள் கொடுக்கும் நல்ல நண்பனாக, மச்சானாக, கை கொடுக்கும் நல்ல சகோதரனாக………..
நள்ளிரவு 3 மணி வரைக்கும் விழித்து தான் இருப்பேன். எப்போது வேண்டுமானாலும் அழையுங்கள் பேசுவோம்.. அன்பு செய்வோம்.. காதல் கொள்வோம் இந்த அற்ப மனிதர்களை அல்ல.. நாம் வாழும் இந்த சமூகத்தை..

என்றும் உறுதுணையாக
காதலோடு
ஜீ.கே.தினேஷ்
13 நவம்பர், 2018
இராஜஸ்தான் பயணத்திலிருந்து..

என் வாழ்வில் நான் சந்தித்த #Metooக்கள்

*என் வாழ்வில் நான் சந்தித்த #Metooக்கள்*
– ஜீ.கே.தினேஷ்

#Metoo1
*பஸ் பயணமும் ஒரு பெண்ணும்..*

நண்பர்கள் எல்லாம் எங்கோ போய்க் கொண்டிருந்தோம்.. இரவு பயணம் அது.. நல்ல கூட்டம்.. ஒரு இளம் பெண்.. கல்லூரி மாணவியாக இருக்கலாம் ! அவள் இருவர் அமரும் இருக்கையின் ஓரத்தில் அமர்ந்திருந்தாள். ஒரு முதியவர் அந்தப் பெண்ணையே உரசிய படி நின்று வந்து கொண்டிருந்தான். நாங்கள் நண்பர்கள் பேருந்தின் கடைசி இருக்கையில் அமர்ந்திருந்தோம். அதனால் அந்தப் பெண் இருந்த இருக்கை தெளிவாகத் தெரிந்தது. அந்த ஆள் நேரம் செல்ல செல்ல உரசியபடி வந்தவன் மேலே விழ ஆரம்பித்தான். இந்தப் பொண்ணும் தட்டி விட்டப்படி வந்து கொண்டிருந்தாள். ஒரு கட்டத்தில் அந்த ஆள் வேட்டியின் வழியே தன் ஆண் உறுப்பை எடுத்து அந்தப் பெண்ணின் கையில் உரச ஆரம்பித்து விட்டான். அந்தப் பெண் உடல் நடுங்க ஆரம்பித்தது. மெல்லவும் முடியாமல் விழுங்கவும் முடியாமல் திணறியதை நன்கு உணர முடிந்தது.

எங்களுக்கு என்ன பண்ணுவதென்றே தெரியவில்லை. அப்போது தான் அப்படி ஒரு கேவலமான விசயத்தைப் பார்க்கிறேன். அந்தப் பெண்ணுக்கு உடல் நடுங்க ஆரம்பித்து விட்டது. நண்பர்கள் எல்லோரும் சேர்ந்து அடித்து விடலாம் என முடிவு செய்தாயிற்று. எங்களுக்கு இன்னொரு பயம் வேற எங்கே நாம் அடிக்கப் போய் அந்தப் பொண்ணு அப்படி எல்லாம் ஒன்னுமில்ல என்று கையை விரித்து விடுமோ எனப் பயம் ஒருப்புறம்.. பிறகு என்ன செய்வதெனத் தெரியாமல் பின்னாடி இருந்தப்படியே டேய் என்று கத்தினோம். டக்கென அந்தப் பெண் திரும்பி பார்த்தாள். தன் கையில் இருந்த பையை எடுத்துக் கொண்டு படிக்கட்டு நோக்கி சென்றாள். நின்றப்படியே பயணம் செய்தாள்.. அவள் கண்களில் வெறுப்புடன் கூடிய அந்த ஒளியைப் பார்த்தேன்..

#Metoo2
*அம்மாவும் பாலியல் கல்வியும்*

சிறு வயதில் கிரிக்கெட் பிளேயர் நான். மாவட்ட அளவிலான மேட்ச்கள் வரை விளையாடி இருக்கிறேன். கிரிக்கெட் விளையாடும் தருணங்களில் சில வயதானவர்களும் இருந்தார்கள். அப்போது தான் இந்தச் சம்பவம் நடந்தது. அந்தத் தருணத்தில் பாலியல் ரீதியான வன்முறை என்று கூட நான் உணரவில்லை. உடலில் நடுக்கம் மட்டும் இருந்ததும். அப்போது வயது 12 இருக்கலாம் என நினைக்கிறேன். கிரிக்கெட் விளையாடும் அரை லூசு ஒருவனால் நான் தீண்டப்பட்டேன். அந்தத் தருணத்தில் மிகச் சரியாக என் அம்மா வந்தடைந்தார் அந்த இடத்தில்.. அவனைத் திட்டி துரத்தி விட்டார். அன்றிலிருந்து அவனோடு சேராதே அவன் தப்புப் பண்றான் என்றார். அந்த வயதில் நான் உணரவில்லை. நான் ஆண் என்ற முறையில் பாலியல் தீண்டல் எதுவும் நடக்காது என்று சொல்லவில்லையோ என்னவோ.. இத்தனை வயதாகி விட்டது.. எல்லாம் சொல்லி வளர்த்த என் அம்மா இன்றளவும் பாலியல் கல்வி தரும் பேச்சுகள் ஏன் என்னிடம் சொல்லி வளர்க்கவில்லை என்பது மிகப்பெரும் கேள்வியாகவே என்னுள் இருக்கிறது !

#Metoo3

*இன்னொரு பஸ் பயணமும் ஒரு பெண்ணும்..*
அப்போது எனக்கு 16 வயது இருந்திருக்கலாம். கிராமத்திலிருந்து டவுனுக்குப் பஸ்ஸில் வந்து கொண்டிருந்தேன். என் முன்னால் ஒரு 25 வயது அக்கா. எனக்கு மிகச் சரியாக முன்னே அவர் நின்று கொண்டிருந்தார். நான் இறங்கும் பஸ் நிலையம் வரும் உரசிக் கொண்டே வந்து கொண்டிருந்தார். நானும் பிடிக்காமல் நகர்ந்து நகர்ந்து சென்று கொண்டிருந்தேன். ஆனாலும் விடவில்லை. வேர்த்து விறுவிறுத்து போய் இறங்கி நடந்தால் நடக்கவே முடியவில்லை. அவ்வளவு பயம்.. இந்த உலகமே இப்படித் தானா என்று தோன்றியது. பின்னாட்களில் தான் தெரிந்தது, இந்த உலகம் இயங்குவதே காதலால், காமத்தால் தான் என்று.. காமத்தைப் பற்றிய புரிதல் அப்போதே இருந்திருந்தால் காதல்ல என்ன நல்ல காதல் கள்ளக்காதல்.. காதல்னாலே காமம் தானடா என்று வேலுபிரபாகரன் பாணியில் கடந்திருப்பேன்..

#Metoo4
*பள்ளியும் பாலியல் தீண்டலும்..*

மிகச் சரியாக 6ஆம் வகுப்பிலிருந்து 10 வகுப்பு வரை ஒரு பள்ளியில் படித்தேன். குடும்பச் சூழ்நிலைக் காரணமாக அங்கு இருந்த விடுதியில் படிக்க நேர்ந்தது. அங்கிருந்த வார்டனோடு எப்போதும் 10 மாணவர்கள் கூடவே இருப்பார்கள். அந்த ஆள் என்ன தப்புச் செய்தாலும், அடித்தாலும் அந்த மாணவர்கள் வாயே திறக்க மாட்டார்கள். பின்னாட்களில் ஒரு தினம் நான் மட்டும் தனியாக என் அறையில் இருந்தேன். நேராக வந்தவன் என் ஆணுறுப்பைப் பிடித்துத் தடவ ஆரம்பித்தான். என் உடல் மிகவும் நடுங்க ஆரம்பித்தது. அடுத்தச் சில வினாடிகளில் அங்கிருந்து ஒரே ஓட்டம்.. அடுத்த ஒரு வாரம் அந்த வார்டனால் பல இன்னல்கள் சந்தித்தேன். அவன் ஆசைக்கு இணங்காததால் நான் பிரச்சினை பண்ணுகிறேன் எனப் பொய்யாகத் திரித்து விட ஆரம்பித்தான். அடுத்த வாரம் என்னைப் பார்க்க அம்மா வருவதாய்ச் சொல்லியிருந்தார். அந்த நாளுக்காகக் காத்திருந்திருந்தேன். அடம் பிடித்து விடுதியை விட்டு வெளியே வந்தேன். விடுதியை விட்டு வெளியே வந்த பின் தான் உணர்ந்தேன் அந்த மாணவர்கள் அனைவரும் பாலியல் அடிமையாக்கி வைத்திருக்கிறான் என்று..
நான் என்ன செய்ய முடியும் ? இதெல்லாம் அப்போது ரொம்ப வினோதமாக இருந்தது. அம்மாவும் அப்பாவும் பாலியல் கல்வி குறித்துச் சொல்லவே இல்ல.. காட்டு செடி போல வளர ஆரம்பித்தேன்.. ஒவ்வொன்றும் நானே வாழ்வில் தெரிந்து கொண்டேன். ஒரு வேளை ஏற்கனவே சொல்லிக் கொடுத்திருந்தால் வீட்டில் சொல்லி அந்த மாணவர்களையும் அந்தக் காமூகனின் பிடியிலிருந்து காப்பாற்றியிருப்பேனா என்னவோ ?

அப்போதிருந்து சில ஆண்டுகளில் படிக்க ஆரம்பித்தேன். அப்பா அம்மா சொல்லித் தராததைச் சமூகமும், அனுபவமும், புத்தகங்களும் சொல்லிக் கொடுத்தது.

நான் அடிக்கடி சொல்லுவேன்.. புத்தகம் படி சமூகத்தைப் படி என்று.. சிலருக்கு அது மொக்கை போடுவது போல இருக்கிறயது என்றும் சொல்லியிருக்கிறார்கள் ! ஆனாலும் சொல்லுவதை நிறுத்துவதில்லை. இன்றும் சொல்லுகிறேன். ஏனெனில் நான் இந்தச் சமூகம், நான் என்பது நான் படித்த மனிதர்கள்.. படித்த புத்தகங்கள்.. சொல்வது என் கடமை ! சொல்கிறேன்.. சொல்வேன்..

அன்றிலிருந்து தான் எந்த விசயமாக இருந்தாலும் பச்சையாக, அப்பட்டமாக, நேராகச் சொல்லி விடுகிறேன். என் பின்னனியில் இருக்கும் openness, frankக்கிற்கு நான் என் வாழ்வில் சந்தித்த சந்தித்த #metooக்கள் பெரும் காரணம்..
இங்கே பொதுப்பட்ட சமூகம் தப்பு, புனிதம் என்று சொல்லும் பல விசயங்களுக்கு நடுவில் தான் சிக்கி தவிக்கிறது இந்த மாதிரியான பாலியல் தீண்டல்கள்.. நம் சமூகம் தான் பாலியல் என்றாலே கண்ணை மூடிக் கொள்கிறதே அப்புறம் எப்படிப் பாலியல் தீண்டலை பேச முடியும் ?
இந்த இந்திய சமூகத்தில் சிறப்பான பாலியல் கல்வி இல்லை, மறுபுறம் பாலியலுக்கு வறட்சி.. வெளி நாடுகளில் இருப்பது போல டேட்டிங் போன்ற கலாச்சாரங்கள் தான் பாலியல் வறட்சிக்குத் தீர்வு. ஆனால், அதைப் பற்றிப் பேசினாலே போர்க்கொடி தூக்குவர் நம் கலாச்சாரக் காவலர்கள்.. அவர்களுக்கு எல்லாம் பெண்களைக் கடவுளாய் மதிக்கும் இதே நாட்டில் தான் பிஞ்சுக் குழந்தைகளையும் பாலியல் வன்புணர்வு செய்கிறார்கள் என்பது தெரியாதது போல இருந்து வருகிறார்கள்..

பாலியல் வறட்சி தான் எல்லாவற்றிருக்கும் காரணம் என்று ஒப்புக் கொள்ளவே நம் so called புனித கலாச்சார மூளை தயங்குகிறது. பெண் என்பவள் பெண் தான், ஆண் என்பவன் ஆண் தான்.. இரண்டும் சதை பிண்டம் தான் என்றும் சொல்லும் பாலியல் கல்வியும் குறைவு..

தயவுசெய்து இனியாவது 12 வயதிலிருந்து குழந்தைகளுக்கு பாலியல் கல்வி சொல்லிக் கொடுங்கள்.. பாலியல் குறித்து பொதுவெளியில் பேச பழகுங்கள்.. பேசாததன் விளைவு தான் இத்தனை வருடங்கள் #Metoomovement ஆக வளர்ந்து நிற்கிறது. பல தவறுகளுக்கும் காரணமாக இருக்கிறது !

மீண்டும் சொல்லிக் கொள்கிறேன்.. இந்திய சமூகத்தில் சிறப்பான பாலியல் கல்வி இல்லை, மறுபுறம் பாலியலுக்கு வறட்சி..

இந்த இரண்டையும் சரிக்கட்டாமல் எத்தனை சட்டங்கள் கொண்டு வந்தாலும் ஒரு மயிரையும் பிடுங்க முடியாது என்பது மட்டும் நிதர்சனம்..

*-ஜீ.கே.தினேஷ்*

புத்தகங்கள் என் நண்பர்கள்

புத்தகங்கள் என் நண்பர்கள்

சின்ன வயசுல இருந்தே நிறைய படிக்கனும், தெரிஞ்சுக்கனும்னு ஆசை இருந்தது. எழுத்தாளர்களோட பேட்டி எல்லாம் பார்க்குறப்ப புத்தக அலமாரி மேல எப்பவும் ஒரு காதல் இருக்கும். அப்போ ஆரம்பமானது தான் எழுத்தின் மீதான காதலும், ஆசையும்..

தற்போது நிறைய புத்தகம் எழுதவில்லை என்றாலும் சில புத்தகங்களில் நான் எழுதியிருக்கிறேன். அதெல்லாம் பார்க்குறப்ப கனவு மாதிரி இருக்கு..

சில ஆண்டுகள் முன்பு வரை இரவு சாப்பிடக்கூட வழியில்லாமல் ஒரு கிளாஸ் பால் வாங்கிக் குடித்துவிட்டு படுத்து உறங்கிய நாட்கள் எல்லாம் உண்டு. அந்த நேரங்களில் எல்லாம் நான் புத்தகங்கள் வாங்க சிறுக சிறுக பணத்தை சேமித்து வைத்திருந்து வாங்குவேன். பிற்காலத்தில் நிலையான வீடு ஒன்றில் கண்ணாடிப் போட்ட புத்தக அலமாறி வைக்க வேண்டும் என்பது சிறுவயது கனவு..

குடும்ப சூழ்நிலைக் காரணமாக அந்த கனவு என் 23வது வயதில் தான் நிறைவேறியது. இப்போது 1200+ நூல்கள் தாண்டி விட்டது.

இந்த அலமாறியில் நிறையப் பேர் பரிசளித்த புத்தகங்கள் அலங்கரிக்கின்றன. குறிப்பாக ஆசிரியர் திருமாவேலன், எழுத்தாளர் கரிகாலன், செயற்பாட்டாளர் லிவிங் ஸ்மைல் வித்யா மற்றும் சில நண்பர்கள்.. இவர்கள் கொடுத்த நூல்கள் தான் நிறைய..

கஷ்டப்பட்ட காலத்திலும் என் கூட இருந்தவைப் புத்தகங்கள் தான். இன்று நான் இருக்க, இப்படி இருக்க புத்தகங்கள் தான் முக்கிய காரணம்.

புத்தகங்கள் என் உலகம்
புத்தகங்கள் என் நண்பர்கள்
புத்தகங்கள் ஒருபோதும் திட்டுவதில்லை
புத்தகங்கள் எங்குபோனாலும் கூடவே வரும்
புத்தகங்கள் ஏமாற்றுவதில்லை
புத்தகங்கள் துரோகம் செய்வதில்லை
புத்தகங்கள் வஞ்சம் வைப்பதில்லை
புத்தகங்கள் பொறாமைப்படுவதில்லை
புத்தகங்கள் பழிவாங்குவதில்லை
புத்தகங்கள் ஏளனமாய் பார்ப்பதில்லை
புத்தகங்கள் பொய் சொல்வதில்லை
புத்தகங்கள் என் கனவு உலகம்
புத்தகங்கள் எனது ஓய்வறை
புத்தகங்கள் என களிப்பிடம்
புத்தகங்கள் என் நண்பர்கள்
புத்தகங்கள் என் காதலிகள்..
புத்தகங்கள் என் உலகம் !
புத்தகங்கள் புரட்சி செய்யும்..

இனிய நண்பர்கள் தின வாழ்த்துகள் !

– ஜீ.கே.தினேஷ்

5/8/2018

5.45pm

https://wp.me/p3FXDf-5b

கேள்வி 1 – கேளுங்கள் தெரிந்ததை சொல்கிறேன்

கேள்வி 1
சேலத்திலிருந்து சசி..
சாதி கிராமங்களில் அதிகமாய் உள்ளதா இல்லை நகரங்களிலா ? இதற்கு என்ன தான் தீர்வு ?

கிராமங்கள் சாதியின் இருப்பிடம். காரணம் படிப்பறிவு இன்மையும், மூடப்பட்ட சமூக அமைப்பும்..

நகரங்களிலும் நவீன தீண்டாமை இருக்க தான் செய்கிறது..
அதனால் தான் கிராமங்கள் ஒழிய வேண்டுமென்றார் பெரியார்.

அதற்கு எதிர்கருத்தாக, கிராமங்கள் தான் நாட்டின் முதுகு என்றார் குலத் தொழில் அழிக் கூடாது என்று நினைத்த காந்தி.. குலத்தொழில் கடவுள் அந்த குலத்திற்கு கொடுத்த வரம் என்ற கருத்தியல் உடையவர் காந்தி. ஆனால், பல தாழ்த்தப்பட்ட சாதிகள் இன்றளவும் காலம்காலமாக துப்புரவு தொழிலிலும், கையால் மலம் அள்ளும் வேலையையும் செய்து வருகின்றனர். இதற்கும் அவர்கள் பிறந்த குலங்களும் சாதியும் தான் காரணம்..

ஆனால், விவசாயம், இந்து மதம் சாரா நாட்டார் வழக்கு குலத்தெய்வ வழிப்பாடு என நம் தமிழ் சமூகத்தின் அடித்தளமாய் இருப்பது கிராமம் தான் அதில் இந்த சனாதன தர்மமான எங்கோ இருந்து வந்த வரலாறு தெரியாத, அடித்தளமே இல்லாத ஹிந்து மதம் புகுந்துள்ளது.. அதனால் இந்து மதத்தை விடுத்து நம் சமூக பண்பாடுகளைப் பிரிப்பதை கஷ்டமாய் இருக்கிறது.. அதனால் தான் பெரியாரும், அம்பேத்காரும் ஒட்டுமொத்தமாய் இந்து மதத்தினை எதிர்த்தனர்.

தற்போது எனக்கு தெரிந்து பட்டியல் பிரிவில் 80+ சாதிகள் இருந்தாலும் பெரும்பாலும் இந்த கால தலைமுறை பறையர்கள் நிறையப் பேர் இடம்பெயர்ந்து விட்டனர். மள்ளர், அருந்ததியர் கொஞ்சம் குறைவு. மீதமுள்ள ஆதி ஆந்திரா போன்ற சாதி மக்கள் இடம்பெயர்ந்ததாக எந்த தகவலும் இல்லை.. இதுப்போக இதர பிற்படுத்தப்பட்ட சாதிகளில் பெரும்பாலும் சாதிய அடுக்குமுறையில் சிக்கி தவித்த சாதிகளும், பொருளாதார ரீதியாக பின்தங்கிய சாதிகளும் நிறைய இடம்பெயர்ந்திருக்கின்றன.

குடிப்பெயர்ந்தவர்கள் மீது பொறாமை, வன்மம் நிறைந்துள்ளதாக தெரிய வருகிறது. ஏனெனில், ஊரை விட்டு போய் சம்பாதிக்கிறான் என்றும், நமக்கு கீழ் அடிமையாய் பண்ணையம் இருந்தவன் படிக்கிறான் என்று நினைத்துக்கொண்டு சாதிய வன்மம் வைத்து ஊரில் உள்ள பெற்றோர்கள் தாக்கப்படுகின்றனர்.

கேள்வி : சரி இதற்கு என்ன தான் தீர்வு ?

கல்வியுடன் சேர்த்து சமூகக் கல்வி

சமூக வரலாறு

இடஒதுக்கீடு பற்றிய புரிதல்

பட்டியல் பிரிவினருக்கு உதவ மற்ற பட்டியல் இனத்தவருக்கு சொல்லித் தருதல், ஆண்ட சாதி பெருமைப் பேசாத OBC மக்களின் உரிமைகளையும் சொல்லித்தந்து அவர்களையும் ஒருங்கிணைத்தல் சரியான சொல்வதென்றால் இடஒதுக்கீட்டால் வந்தவர்கள் இன்னும் அந்த உரிமையை அடையாத மக்களைக் கைக்கொடுத்து தூக்கி விடுதல்

சாதியற்றவர்களாக அமைப்பாய் திரண்டு களத்தில் நின்றுப் போராடுதல்

ஜீ.கே.தினேஷ்

https://wp.me/p3FXDf-58

______________________
அரசியல் மட்டுமல்ல.. எதுவாயிருப்பினும் கேளுங்கள்.. எனக்கு தெரிந்ததை உங்களிடம் சொல்ல காத்திருக்கிறேன்..

கேளுங்கள்..

கேட்க நீங்கள் தயாரா ?

கேள்விகளை நேரடியாக என் எண்ணிற்கோ அல்லது பெயர் வெளியிட விரும்பாதவர்கள் இந்த முகவரியிலோ கேட்கலாம்..

gkdinesh.sarahah.com
👆👆👆

கேளுங்கள், தெரிந்ததை சொல்கிறேன் – அறிமுகம்

கேளுங்கள், தெரிந்ததை சொல்கிறேன் – அறிமுகம்

அரசியல் கல்வி, சமூகக் கல்வி இன்றியமையாதது ! ஆனால் இந்த கால தலைமுறை அதை ஏதோ சாக்கடை என்றுச் சொல்லிக் கொண்டு இருக்கிறது அதனால் தான் அரசியல்வாதிகள் நம்மை சாக்கடைக்குள் தள்ளி விடுகின்றனர். அதனால் அரசியல் கற்பது முக்கியமாகும் அப்படி அரசியல் பற்றி தெரியாதவர்கள் தெரிந்துக் கொள்ள எனது பிளாக்கில் தொடர் போல எழுத உள்ளேன். உங்கள் அரசியல் கேள்விகளுக்கு எளிமையாக பதிலளிக்க உள்ளேன்.

இப்படி எழுதுவதால் எனக்கு தனிப்பட்ட முறையில் சல்லி பைசா லாபம் கிடையாது. சமூகத்தில் ஒரு மாற்றம் என்னால் நிகழ்ந்தால் சந்தோசப்படுவேன். இதற்கு முன்பாகவே நான் எழுதும் கட்டுரைகளையும், முகநூலில் சில முற்போக்காளர்கள் எழுதும் கட்டுரைகளை என் நண்பர்கள், ஜூனியர்களுக்கு பகிர்வேன். அப்படிப் பகிர்ந்ததில் சித்தார்த், மீனா, கார்த்திகா போன்றோர் இப்பொழுது நேரடி அரசியலையும் அதற்கு பின்னால் இயங்கும் மறை அரசியலையும் புரிந்துக் கொள்ள ஆரம்பித்து விட்டனர். இது என்னால் தான் நிகழ்ந்தது என்று நான் மகிழ்கிறேன். இப்படி ஒவ்வொருவரும் அரசியல் அறிந்து பயனடைய தான் இந்த கேள்வி பதில் கட்டுரைத் தொடர்..

இப்படி நான் எழுதுவதற்கான காரணங்கள் இருக்கிறது. ஏனெனில், இங்கு கடந்து 100 ஆண்டுகளாக பல தலைவர்கள் அவர்களால் இயன்ற விசயங்களை பேசிக்கொண்டு வருகின்றனர் ஆனால், அவை பெரிய பெரிய புத்தகங்களாக இருப்பதால் தற்கால தலைமுறை அதை எடுத்துப் படிக்க சோம்பேறித்தனப்படுகிறது. இப்போதும் அரசியல் இயக்கங்கள் பேசிக் கொண்டு வருகின்றன. ஆரம்பத்தில் எனக்கும் புரிந்ததில்லை. ஆனால், பின் நிறையப் புத்தகங்கள் படித்ததால் தற்போது புரிகிறது. அந்த சிரமமின்றி உங்களுக்கு புரியும் வகையில் மிக சிறியதாக எழுத உள்ளேன். பெரும்பாலான நேரங்களில் இதுப்போன்று கேள்விக் கேட்பதற்கு எதற்கும் நான் டென்சன் ஆனதில்லை. ஆக, எதுவாயிருந்தாலும் கேளுங்கள் எனக்கு தெரிந்ததை உங்களிடம் சொல்ல காத்திருக்கிறேன்..

கேளுங்கள்..

கேட்க நீங்கள் தயாரா ?

கேள்விகளை நேரடியாக என் எண்ணிற்கோ அல்லது பெயர் வெளியிட விரும்பாதவர்கள் இந்த முகவரியிலோ கேட்கலாம்..

gkdinesh.sarahah.com
👆👆👆

வண்டை வண்டையா கேட்காம இருந்த சரி.. 😂🙈

தடத்தை தேடி !! இலக்கியம் படுத்தும் பாடு …

தடத்தை தேடி !!
இலக்கியம் படுத்தும் பாடு …
________________________

நேத்து இரவில் இருந்தே விகடனின் தடம் இதழை காலை பார்த்து விடலாம் என நினைத்திருந்தேன். கண்ணன் சார், தமிழ் மகன் சார், விஷ்ணுபுரம் சரவணன் அண்ணா எல்லாரும் வேற போஸ்ட் போட்டிருந்தாங்க. அதனால இன்னைக்கு வந்துடும் என தூங்கினேன். ஆனால் எழுந்ததே 8 மணிக்கு. அப்புறம் எப்படி கடைக்கு போக ? வகுப்புக்கு நேரமாச்சுன்னு போயிட்டேன். வகுப்பு முடிஞ்சதும் போய் வாங்கலாம்ன்னு கடைக்கு போனேன். எந்த கடைக்காரருக்கும் தடம் என்னான்னே தெரியல.. ஒரு கடையில எங்குட்டு போற தடம் தம்பி என்று ஒருவர். அவரிடம் விளக்கத்தை கொடுத்து அடுத்த ஏரியா கடைக்கு நகர்ந்தேன். அங்கேயுமில்ல.. 9.45மணிக்கு ஸ்ரீபதி அண்ணாவுக்கு கால் பண்ணி அண்ணா எங்க கிடைக்குதாம் தடம்ன்னு கேட்டேன். அப்புறம் தான் சொன்னாரு “தம்பி டீ இன்னும் வரல” ! இன்னைக்கு வந்திருச்சுல்ல அண்ணே ?
அது சென்னைக்கு தம்பி. இப்ப தான் லச்சு அன்னபூர்ணா வுல ஃபூல் மீல்ஸ் சாப்பிட்டு வந்தாரு. அப்ப பக்கத்துல இருந்த கடையில கேட்டாராம் நாளைக்கு தான்னு சொல்லிட்டாங்கலாம்ன்னு சொல்லிட்டார். அடப்பாவத்தே இந்த கால் முன்னாடியே பண்ணியிருக்கலாமே .. !!
தடத்தை தேடி.. கோயம்புத்தூர் ஒரு 30 கிலோமீட்டர் சிட்டியை சுத்தியாச்சு. ஒருவழியா நிறைய குறுக்கு சந்து எல்லாம் தெரிஞ்சுக்கிட்டேன்.

1 ஜூன் 2016

கோயம்புத்தூர்